Бұл Әдістемелік ұсыныстар Ахмет Байтұрсынұлы атындағы «Талдау» ұлттық зерттеулер және білімді бағалау орталығы 2021-2023 жылдарға арналған бағдарламалық-нысаналы қаржыландыру шеңберінде жүзеге асырылған «Орта білім берудің мазмұны мен оны басқаруды жетілдірудің ғылыми негізделген тәсілдері мен жоғары білім беруді дамытудың ғылыми-әдістемелік негіздерін әзірлеу» атты ғылыми-техникалық бағдарлама аясында әзірленді. Құжат 7-9 сынып оқушыларының функционалдық оқу және математикалық сауаттылығын дамытуға бағытталған. Әдістемелік ұсыныстар биология, химия, физика, география, тарих, информатика, өзін-өзі тану және басқа да пәндерді оқытатын мұғалімдерге арналған.
Әдістемелік ұсыныстар қазақстандық педагогтердің функционалдық сауаттылықты қабылдауы мен түсінуіне жүргізілген зерттеу, функционалдық сауаттылықтың теориялық негіздерін зерделеу және оны бағалау құралдарын талдау нәтижелеріне негізделген. Әдістемелік ұсыныстарды әзірлеу барысында PISA халықаралық бағалау бағдарламасының шеңберлік құжаттары басшылыққа алынды.
