2023 жылдың қорытындысы бойынша Қазақстан Республикасы білім беру жүйесінің ахуалы мен дамуы туралы Ұлттық баяндаманың 19-шығарылымы мектепке дейінгі, орта, техникалық және кәсіптік, қосымша, инклюзивті және арнайы білім беру жүйесінің талдауын қамтиды. Соның негізінде білім сапасын қамтамасыз ету және елдің бәсекеге қабілеттілігін арттыруға бағытталған даму стратегиясы мен жүйенің басым бағыттары айқындалмақ. Жыл сайынғы Ұлттық баяндама халықты білім беру жүйесінің жетістіктері, ата-аналар мен педагогикалық қоғамдастықтың, сарапшылық қоғамдастықтың білім беруді басқару және көрсетілетін білім беру қызметтерінің сапасын арттыру процестеріндегі рөлі туралы хабардар етеді. Білім берудің барлық деңгейлері білім берудің бес негізгі бағытының призмасы арқылы қарастырылады: білім беру мазмұны, педагогикалық кадрлар, менеджмент, инфрақұрылым, бағалау және сапа мониторингі жүйесі. Баяндаманың әр бөлімі білім беру жүйесін жетілдіруге және оң нәтижелер алуға бағытталған пәрменді, тиімді шаралар қабылдауға бағытталған тұжырымдар мен ұсынымдарды қамтиды. Төртінші тараудың ерекшелігі өңірлердің рейтингі болып табылады: республиканың 20 өңірі өңірлік білім беру жүйелерінің индексі (ӨБЖИ) бойынша сараланған. Талдау нәтижелері көшбасшы өңірлерді анықтауға және артта қалған аймақтарды анықтауға мүмкiндiк бердi. Бұл ресурстарды мақсатты, тиiмдi бөлуге және елдiң бiлiм беру саясатын сапалы әрі уақтылы iске асыруға ықпал етпек.
