«Thrive by Five Kazakhstan» – программа развития детей раннего возраста

АМАНҒАЗЫ

МАҒЖАН ЗАҢҒАРҰЛЫ

Басқарма төрағасы

Аманғазы Мағжан Заңғарұлы Абай атындағы Қазақ ұлттық педагогикалық университетінде «шет тілі: екі шет тілі» мамандығы бойынша бакалавриатты, Назарбаев Университетінде «Білімді басқару» мамандығы бойынша магистратураны бітірген. Қазіргі уақытта «Болашақ» халықаралық стипендиясы аясында Оксфорд университетінде басшыларға арналған «Ұйымдық көшбасшылық» гибридті бағдарламасы бойынша тағылымдамадан өтуде.

«Ахмет Байтұрсынұлы атындағы «Талдау» ұлттық зерттеулер және білімді бағалау орталығы» АҚ-да (бұрынғы атауы «Ақпараттық-талдау орталығы» АҚ) 2016 жылдың желтоқсан айынан бастап жұмыс істейді. Осы кезеңде ол келесі қызметтерді атқарды: халықаралық салыстырмалы зерттеулер департаментінің менеджері, жоғары білім беруді дамыту департаментінің бас талдаушысы, білім беруді талдау, мониторингтеу және бағалау департаментінің директоры, президенттің орынбасары (2018 жылғы маусымнан 2022 жылғы наурызға дейін), сондай-ақ президенттің кеңесшісі. Дүниежүзілік банктің қазақстандық кеңсесінде білім беру бойынша кеңесші болып жұмыс істеді.

ҚАМБАТЫРОВА ӘСЕЛ САҒАДАТҚЫЗЫ

Басқарма төрағасының орынбасары

Әсел Қамбатырова білім беру саласында Ph.D дәрежесіне ие (Назарбаев Университетінің Жоғары білім беру мектебі, 2021 ж.). Өзінің докторлық диссертациясы шеңберінде Қазақстандағы үш тілді білім беру контексінде ата-аналардың тілдік идеологияларын зерттеді. 2013 жылы оған Қазақстан Республикасы Президентінің «Болашақ» халықаралық стипендиясы берілді, оның шеңберінде ол Шеффилд университетінде (Ұлыбритания) білім беру саласында магистр дәрежесін алды.

Әсел Қамбатырова өзінің кәсіби жолын Тараз мемлекеттік педагогикалық институтының герман тілдері кафедрасында ағылшын тілі пәнінің оқытушысы ретінде бастады. 2010-2011 жылдары Л.Н.Гумилев атындағы Еуразия ұлттық университетінің Халықаралық ынтымақтастық департаментінде бас маман болды.

2011-2023 жылдар аралығында Назарбаев Университетінің Жоғары білім беру мектебінде менеджер, кіші ғылыми қызметкер және постдокторант-зерттеуші болып жұмыс істеді.

Әсел Қамбатырова 2011 жылдан бері ғылыми жобаларға, соның ішінде Кембридж университетінің білім беру факультетімен серіктестікте орта білім беру мазмұнын, үш тілде білім беруді, ағылшын тілінде жоғары оқу орнынан кейінгі білім беру бағдарламаларында оқитын студенттердің көптілділік құзыреттілігін зерттеуге бағытталған жобаларға, сондай-ақ, Қазақстандағы STEM (педагогикалық) білім беру саласындағы оқыту және зерттеу мәселелеріне үздіксіз қатысып келеді

Оның ғылыми қызығушылықтары тілдік білім беру, үштілді білім беру және отбасылық тіл саясаты мәселелерін қамтиды. Оның жергілікті және халықаралық рецензияланған журналдарда бірқатар ғылыми жарияланымдары бар, сонымен қатар жергілікті және халықаралық басылымдарда жарияланған кітаптар мен монографиялардың бірлескен авторы.

Тоғызбай Серік Сейдеханұлы 

Басқарма төрағасының орынбасары

Туған күні: 22 қараша 1981 жыл

Азаматтығы: Қазақстан Республикасының азаматы

Образование:

Оңтүстік Қазақстан облысы, Сарыағаш қаласындағы Қапланбек гуманитарлық ауыл шаруашылығы колледжін «Банк ісі» бойынша,  Тараз қ. «Әулие-Ата» атындағы университетін «Қаржы» мамандығы бойынша, Астана қаласындағы Қазақстан Республикасы Президентінің жанындағы Мемлекеттік басқару академиясын «Мемлекеттік және жергілікті басқару» мамандығы бойынша, Шымкент қаласындағы М.Сапарбаев атындағы Оңтүстік Қазақстан гуманитарлық институтын  «Құқықтану» мамандығы бойынша бітірген.

Карьера 

Еңбек жолын 2002 жылы Оңтүстік Қазақстан облысы Сарыағаш қаласында есепші болып бастаған.

2004-2005 жылдары Оңтүстік Қазақстан облысы Сарыағаш ауданы бойынша Салық комитетінің ақпараттық технологиялар бөлімінің бас маманы болып жұмыс істеді.

2005-2006 жылдары ҚР Қаржы министрлігі Салық комитетінің Астана қаласы бойынша «Астана – Жаңа қала» Салық комитетінің бухгалтерлік есеп және ақпараттық технологиялар басқармасының жетекші, бас маманы болып жұмыс істеді.

2008-2010 жылдары Қазақстан Республикасы Ақпараттандыру және байланыс агенттігінің Ақпараттық технологиялар департаментінің Интеграция және жобаларды дамыту басқармасының, Қазақстан Республикасы Ақпараттандыру және байланыс агенттігінің Электрондық қызметтерді дамыту басқармасының бас сарапшысы болып жұмыс істеді. 

2010 - 2014 жылдары Қазақстан Республикасы Бас прокуратурасының Қаржы, ақпараттандыру және ақпараттық ресурстарды қорғау департаменті Ақпараттық қауіпсіздік басқармасының бас сарапшысы болып жұмыс істеді.

2014 – 2017 жылдары Қазақстан Республикасы Денсаулық сақтау және әлеуметтік даму министрлігі Ақпараттандыруды дамыту департаментінің ақпараттық қауіпсіздік басқармасын басқарды.

2017-2019 жылдары Қазақстан Республикасы Еңбек және халықты әлеуметтік қорғау министрлігі Цифрландыру департаменті директорының орынбасары, директоры (техникалық қамтамасыз ету және ақпараттық қауіпсіздік) қызметтерін атқарған.

2019 – 2021 жылдары Әлеуметтік қызметтерді көрсету бойынша АЖ дамыту және қолдау департаментінің директоры қызметін атқарды.

2021 - 2022 жылдары «Ақпараттық-есептеу орталығы» РМК Ақпараттық-статистикалық жүйелерді дамыту және сүйемелдеу департаментінің директоры қызметін атқарды.

2022-2023 жылдары «Электрондық қаржыландыру орталығы» АҚ бюджеттік жоспарлауды цифрландыру департаментінің директоры қызметін атқарды.

2023 жылдың қыркүйегінен бастап Ахмет Байтұрсынұлы атындағы «Талдау» ұлттық зерттеулер және білімді бағалау орталығы» АҚ Басқарма төрағасының орынбасары болып тағайындалды.