Бакуда PISA бойынша 2-ші ICESCO Министрлік конференциясы өтті

Конференцияны ICESCO (Исламдық білім, ғылым және мәдениет ұйымы), Әзірбайжан Республикасының ғылым және білім министрлігі ЭЫДҰ-мен серіктестікте ұйымдастырды. Конференцияға Қазақстан, Өзбекстан, БАӘ, Сауд Арабиясы, Ирландия, Латвия, Бахрейн, Египет, Бруней-Даруссалам, Катар, Нигерия, Малайзия, Марокко, Ливан және басқаларын қоса алғанда 20 елден 40-тан астам өкіл қатысты.

Қазақстан тарапынан конференцияға «Талдау» АҚ халықаралық салыстырмалы зерттеулер департаменті директорының орынбасары, PISA ұлттық жобалық менеджері Р.С. Сыздықбаева қатысты.

Конференцияға қатысушылар ICESCO, Әзірбайжан ғылым және білім министрлігінің PISA-ға қатысу жөніндегі қызметімен танысты, сондай-ақ ICESCO-ға мүше елдердегі білім сапасы мәселелерін талқылады.

Екі күндік конференция аясында келесі сессиялар қамтылды:

• ICESCO мүше елдеріндегі PISA нәтижелері;
• Болашақ дағдылары. Жасанды интеллект;
• PISA нәтижелері призмасы арқылы білім алушылардың әл-ауқаты және мектеп климаты;
• Оқыту әдістері мен білім беру ресурстарының PISA нәтижелеріне әсері;
• ICESCO-ға мүше елдер үшін PISA зерттеуінің мәдени-контекстік сәйкестігін арттыру.

Панельдік пікірталастар кезінде қатысушылар PISA жүргізу және зерттеу материалдары мен нәтижелерін пайдалану тәжірибесімен бөлісті, атап айтқанда:

• оқу бағдарламаларын жетілдіру;
• білім алушылардың әл-ауқатын қамтамасыз ету бойынша нұсқаулықтар әзірлеу;
• мұғалімдердің кәсіби дамуы;
• құпиялылық режимінен шыққан PISA тапсырмалары негізінде мұғалімдерге арналған әдістемелік құралдарды әзірлеу;
• статистикалық мәні бар айырмашылықтар анықталған нәтижелерге қосымша зерттеу жүргізу;
• жекелеген топтар үшін есеп дайындау (мектеп директорлары, мұғалімдер, ата-аналар, оқушылар);

Қорытындысында ICESCO-ға мүше елдердің білім беру сапасы мен PISA көрсеткіштерін арттыру, PISA материалдарын бейімдеу кезінде ислам құндылықтары мен ұлттық мәдени ерекшеліктерді ескеру қажеттілігі атап өтілді.